قازاقستاندا زاڭسىز جۇرگەن 546 شەتەل ازاماتى شىعارىلدى. ەندى ولار 5 جىلعا دەيىن ەلگە كىرە المايدى.
"پوليسيا قىزمەتكەرلەرى شەتەلدىكتەر تۇراتىن جەرلەردى، قۇرىلىس وبەكتىلەرىن، شەتەلدىك جۇمىس كۇشىن پايدالاناتىن ۇيىمدار مەن جۇمىس بەرۋشىلەردى تەكسەردى. وپەراسيانىڭ جەتى كۇنىندە كوشى-قون زاڭناماسىن بۇزعان 11 051 ادام انىقتالدى. ونىڭ ىشىندە مەملەكەتتە بولۋ ءتارتىبىن بۇزعان 7331 شەتەلدىككە قاتىستى، شەتەلدىكتەرمەن زاڭسىز جۇمىس ىستەۋگە قاتىستى 2400 دەرەك انىقتالدى، شەتەلدىك ەڭبەك كۇشىن زاڭسىز پايدالانعان 507 جۇمىس بەرۋشى جاۋاپكەرشىلىككە تارتىلدى"، – دەلىنگەن مينيسترلىك حابارلاماسىندا.
سونىمەن قاتار، شەتەلدىكتەردىڭ كەلگەنى تۋرالى پوليسياعا ۋاقىتىلى حابارلاماعان 2536 جەكە جانە زاڭدى تۇلعا اكىمشىلىك جاۋاپكەرشىلىككە تارتىلدى.
پىكىر قالدىرۋ